လူစိမ်း

 

 

 

တောအုပ်တစ်ခုလုံးအဝါရောင်သန်း၏။
ထို့အတူ  တောင်တစ်ခုလုံးကိုလည်း အဝါရောင်အဖြစ်မြင်ရ၏။
နွေ၏လေသည် ဥသြငှက်၏အလွမ်းရင့်ရင့်ကဗျာတစ်ပုဒ်ကို
ထုပ်ပိုးသယ်ဆောင်ကာ၊ ဟိုမှဒီသို့အလုပ်များလျှက်ရှိ၍နေသည်။

အဝါရောင်ဝတ်ရုံလွှမ်းခြုံထားသော အရွက်ကြီးငယ်အသီးသီးတို့ ၊တစ်ဖြောက်ဖြောက်အသံပေးကာ အလုအယက်ခုန်ဆင်း၍ နွေအား အပြိုင်အဆိုင်အသက်သွင်းလျှက်ရှိသောကြောင့်

သစ်တောတစ်ခုလုံးလိုလိုသည် အဝါရောင်ကတ္တီပါစ၏ အဖိုးအခဖြင့်

နွေရောင်တောက်ကာ ဟောင်းနွမ်းလှပ လျှက်ရှိနေတော့သည်။

 

ဤကဲ့သို့ ဟေမဝါတစ်ခုလုံး နွေရင့်ရင့်၏ နုတ်ဆက်ပွဲအတွက် အားတက်သရော လှုပ်ရှားပျော်ရွှင်နေကြချိန်၊
အဝါရောင်လွှမ်းသောရွက်ကြွေများအထဲမှ အနီရောင်မြေကြီးလမ်းအထက်၊

နွေ၏အခင်းအကျင်းများကိုမစားသုံးပဲ၊မရပ်မနားလမ်းလျှောက်လာသော ကောင်လေးတစ်ယောက်၏ပုံစံမှာအစိမ်းရောင်ဆန်လွန်းလှပေသည်။

 

လူစိမ်း...

မှန်ပေ၏
စိမ်းမည်ဆိုလည်းစိမ်းလောက်စရာပင်
အကြင်သူသည်.....လူစိမ်း....ဖြစ်၏။

 

မျက်ဝန်းများကကြင်နာမှုနှင့်ပြည့်နေသယောင်နှင့်
နှုတ်ခမ်းများကပြုံးယောင်သန်း၏။

 

အမူအယာအားဖြင့်နှစ်လိုဖွယ်ရှိသလောက်
အသည်းနှလုံးကားအစိမ်းရောင်အတိဖြစ်သည်။

သူ...သည်...
အသည်းနှလုံးအစိမ်းနှင့်လူ......

လူစိမ်း...ဖြစ်လေသည်။

 

အစုံစုံသောအရောင်အသွေးတို့ဖြင့်ကပ်ညိလိမ်းကျံထားသော
ပန်းအပွင့်ပွင့်တို့သည်  အပြိုင်ပြိုင်အဆိုင်ဆိုင်ဖြင့် ထိုလူစ်ိမ်းအား
ဧည့်ဝတ်ကတိပြုကြ၏။

 

ဧည်ဝတ်ကျေသူရောမကျေသူများပါ
လတ်ဆတ်စိမ်းလန်းသောအထိအတွေ့ကိုထိုလူထံမှပြန်ရကြသည်။
ရင်းနှီးဖေါ်ရွေသော၊နုနယ်ပျိုမြစ်သည့်တုန့်ပြန်မှုကြောင့်ထိုလူစိမ်းအားနှစ်ချိုက်ကြသည်မှာ

ဆန်းလှသည်ဟုဆိုနိုင်မည်မထင်။

ဆန်းလှသည်။ ထိုသူနှင့်ထိတွေ့  မိသမျှနေရာတိုင်း....
သေသောသူများရှင်ကြ၏ ။
ပုန်းသောသူများ ပေါ်ကြ၏ ။

ထိုသူဖြတ်သန်းခဲ့ ရာလမ်းတစ်လျှောက် ၊သစ်တောတစ်ခုလုံး
အ၀ါရောင်မှပြောင်းလည်းကာ သစ်လွင်စိမ်းလန်းလျှက်
အရာအားလုံး....."
ဟောင်းရာမှသစ်
ရင့်ရာမှနု
ပမ်းရာမှလန်း
ခပ်ဆန်းဆန်း ဖြစ်ကုန်ကြ၏ ။

ထိုသှု အတွက်ဂုဏ်ပြုတေးတစ်ပုဒ်
လက်တမ်းစပ်ကာ ကိုရွှေဖားတို့ သီဆိုကြသည် ။
ထက်ကောင်းကင်မှလည်း ရံဖန်ရံခါ သူ့ အတွက် သြဘာပေး၏ ။
ထိုလူစိမ်း၏ ဂုဏ်သီတင်းကြီးမားလှပေစွ ။

 

သို့သော်
တစ်ချို့သောပန်းပွင့်များနှင့်သစ်ပင်များမှ
ထိုလူ့စကားတီးတိုးကြားရသည်။

ထိုလူစိမ်း........ပန်းတောသို့ရောက်သည်...

အလှဆုံးဝေပြ၏.......မခူး
အနှိမ့်ချဆုံး.......ကြွေပြ၏.....မကောက်
အစွန်းကုန်ဆွဲဆောင်ကြသော်လည်းရနံ့အားဖြင့်မရနိုင်
ထိုလူအသည်းမာလှပေစွ။
ထိုသူအဘယ်သို့နည်း??????

 

ပန်းပျိုးသူလည်းမဟုတ်
ပန်းချိုးသူလည်းမမည်

လင်းလက်ချိုမြိန်သောပန်းအပွင့်ပွင့်တို့သည်လည်း
ထိုလူစိမ်း၏အစိမ်းရောင်အောက်ပျော့ညံ့ကုန်ကြလေတော့သည်။

 

အစိမ်းရောင်.......

 

ဆန့်ကျင်ဘက်(၂)ခုကိုပေါင်းစပ်ထား၏။
အဓိပ္ပ္ပါယ်(၂)မျိုးဖေါ်ဆိုနိုင်၏။
ပုံစံ(၂)မျိုးသရုပ်ဖေါ်၏။

 

ခင်မင်နှစ်လိုစွာပေါင်းသင်းရန်အတွက်လတ်ဆတ်စွာစိမ်း၏။
ရင်ခုန်ခြင်း၊မြတ်နိုးခြင်းနှင့်ချစ်ခြင်းတရားများအတွက်မူရက်စက်စွာစိမ်း၏။

 

အသည်းနှလုံးကားတစ်စုံတည်းသာဖြစ်သည်။

 

ထိုသူ....လူစိမ်းဖြစ်သည်။
အသည်းနှလုံးသည်လည်းအစိမ်းရောင်တောက်နေ၏။
အဘယ်ကြောင့်ဆိုသော်လူစိမ်းဖြစ်သောကြောင့်ဖြစ်သည်။

 

လူစိမ်းတစ်ယောက်၏တန်ဖိုးထားတတ်ခြင်းကို
လူစိမ်းများကသာနားလည်ပေလိမ့်မည်။
လူစိမ်းများ၏ချစ်တတ်ခြင်းကိုလည်းလူစိမ်းများကသာ
သိနိုင်လိမ့်မည်ဖြစ်သည်။

 

ထိုသူ၏အစိမ်းရောင်ကိုလူတိုင်းမြင်လွယ်ကြ၏...
ထိုအစိမ်းရောင်၏အဓိပ္ပါယ်ဖွင့်ဆိုချက်နှင့်
ထိုကောင်လေး၏အစိမ်းရောင်နှလုံးသားထဲမှ တန်ဖိုးထားအပ်သောအရာတစ်ခုကို

မူမြင်လွယ်ရန်ခက်ခဲလှပေသည်။

 

အစိမ်းရောင်နှလုံးသား.............

 

ချစ်ရသူအတွက်၊မိုးဦးကျသစ်ရွက်များလို့စိမ်းလန်း၏။
ချစ်ပသူများအတွက်မူအစိမ်းရောင်ချယ်သောဆူးခက်သက်သက်မျှသာဖြစ်၍၊
အစိမ်းရောင်ရှိသောအေးစက်မာကျောသည့်တခါးသေတစ်ချပ်နှင့်တူ၏။

ချစ်ရသူအတွက်မီးပွိုင့်မှအချက်ပြမီးအစိမ်းရောင်ကဲ့သို့၊ခွင့်ပြုခြင်းသဘော၊ခွင့်လွှတ်ခြင်းသဘောဆောင်၍၊
အခြားသူများအတွက်မူဥပေက္ခာပြုခြင်း၊စ်ိမ်းကားခြင်းသဘောဆောင်သောအစိမ်းရောင်ဖြစ်လေသည်။

 

အမြဲမရပ်မနားသွားနေသောခရီးကြောင့်........
ပတ်ဝန်းကျင်အသစ်များကြောင့်..................
အယူအဆပိုင်ဆိုင်မှုအသစ်များကြောင့်............

 

ထိုကောင်လေးသည်လူစိမ်းအမြဲဖြစ်၍နေပေသည်။
အမြဲတစေလည်းသစ်လွင်လတ်ဆတ်နေမည်ဖြစ်သည်။

 

သင်တို့သည်လည်းလူစိမ်းများဖြစ်န်ိင်ကြ၏။

အသစ်သစ်သောအချိန်များကြောင့်ဖြစ်သည်
အသစ်သစ်သောနေရာများကြောင့်ဖြစ်သည်
အသစ်သစ်သောခံစားချက်များကြောင့်လည်းဖြစ်ပေလိမ့်မည်။

သင်တို့လည်းအစိမ်းရောင်တောက်နိုင်ကြ၏။

အဓိပ္ပါယ်ကိုမည်သို့ဖွင့်ဆိုပါမည်နည်း?????

ဤအရာကား..............သင်တို့၏အလိုအတိုင်းသာဖြစ်လေတော့သည်။

...................................................
                                                     အစိမ်းရောင်ကောင်လေး(သို့)........နိုင်..........